Operacioni Forca e Ligjit i ka dërguar formularët e vetëdeklarimit 3 shtetasve, banues në Tiranë, të dënuar për trafik narkotikësh dhe shfrytëzim prostitucioni.
Sipas një njoftimi zyrtar nga OFL, kërkesat me shkrim për vetëdeklarimin e burimeve të pasurisë, iu dërguan shtetasve:
G. A., banues në Tiranë, i dënuar për veprën penale “Trafikimi i narkotikëve”, mbetur në tentativë;
A. K. (Ç.), banues në Tiranë, i dënuar për veprën penale “Trafikimi i narkotikëve”;
E. Sh., banues në Tiranë, i dënuar për veprën penale “Shfytëzimi i prostitucionit”.
Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.
