Kryeministri Lulzim Basha deklaroi sot pas konferencës për media të kryeministrit Edi Rama, se masa e ndërmarrë së fundmi për mbajtjen e maskave me detyrim, është pa sens.
Në një prononcim nga selia blu, Basha tha se një pjesë e madhe e qytetarëve nuk kanë mundësi të blejnë maska, pasi u duhet të mendojnë për bukën e gojës.
Nisur edhe nga takimet e shumta me qytetarët gjatë javës, Basha u shpreh se nuk janë të paktë ata qytetarë që blejnë produkte ushqimore me lista.
“Sot duhet ndërhyrja e shtetit! Çfarë po bëjnë këta?! Thotë nuk kam burime financiare për t’i siguruar bukën e gojës njerëzve që kanë humbur bukën e gojës. Këta tha edhe sot! Kollaj t’u thuash njerëzve mbani maskë, por ajo duhet të blihet. Po ata që s’kanë bukë, me çfarë do ta blejnë maskën?! Nuk i shkon mendja për ta”, tha kryedemokrati Lulzim Basha.
Kreu i qeverisë bëri të ditur mesditën e sotme nga godina e Kryeministrisë se, duke filluar nga dita e enjte, qytetarët do të jenë të detyruar të mbajnë maskë, në ambiente të hapura dhe të mbyllura, në të kundërtën, do të gjobiten tek faturat e dritave.
LEXO EDHE:
