Kryeministri Edi Rama deklaroi këtë të Shtunë se nga e Enjtja e javës së ardhshme, mbajtja e maskës do jetë e detyrueshme dhe në ambientet e jashtme.
“Nga java e ardhshme maska do jetë e detyrueshme kudo, përveç shtëpisë dhe restorantit apo barit kur jeni ulur në tavolinë për të konsumuar diçka, atë pjesë të kohës aty. Maska do jetë e detyrueshme në çdo mjedis, rrugë, hapësirë publike dhe masa ndëshkimore do zbatohet për të gjithë te fatura e dritave. Mos të ketë asnjë individ iluzion se do ti shmanget gjobës”, deklaroi Rama nga Kryeministria.
Ai tha se inspektimin për maskën do e bëjë policia e shtetit dhe ajo bashkiake. “Të mërkurën do publikojmë masat ndëshkimore, të Enjten të gjithë me maskë. Gjobat do zbatohen në kohë reale”, shtoi Rama.
Shefi i ekzekutivit la të hapur dhe mundësinë e rikthimit të një karantine të dytë.
Lexo edhe:
Pas premtimit se s’do ketë rimbyllje, Rama ndryshon qëndrim: Duhet të parandalojmë karantinën e dytë
