Kryeministri Edi Rama ndryshon qëndrim për sa i përket mundësisë së rikthimit të një karantine të dytë në vend, për parandalimin e përhapjes së pandemisë.
Më herët, Rama ka deklaruar në mënyrë të përsëritur dhe të prerë se nuk do të ketë rimbyllje të vendit. Këtë të Shtunë, në një deklaratë për mediat nga Kryeministria, ai zbuti qëndrimin, teksa u shpreh se “duhet të parandalojmë karantinën e dytë”, duke e lënë të hapur mundësinë e rikthimit të izolimit.
“Ishte e parashikueshme që me ardhjen e vjedhës numrat do rriteshin e teksa në disa vende po rikthen masat dhe po rikthehet kërcënimi i një karantine të përgjithshme, ne duhet me çdo kusht të parandalojmë një karantinë të përgjithshme të dytë. Një karantinë e përgjithshme e dytë do ishte tejet e vështirë për vendin, ekonominë e shumë familjeve dhe shtetin”, tha Rama.
“Situata në vend është së larg qeni një situatë që mund ta ndjekim po u shqetësuar dhe pse është në kushtet kur kemi një përpjesëtim dispropocial me parashikueshmërinë. Të gjithë të keni parasysh që me ftohjen e sezonit, me uljen e temperaturave, me spostimin e masave të mëdha të njerëzve nga jashtë brenda dhe me rritjen e kohës dhe numrit të njerëzve që jetojnë në mjedise të mbyllura me ajër e kondicionuar, rreziku i infektimit rritet në mënyrë eksponenciale. Duhet të jemi të vetëdijshëm që të hedhim një hap dhe ti qëndrojmë strikt një rregulli të ri që do vendosim në mënyrë që të mos rimbyllemi. Një mbyllje e përgjithëshme s’do kursejë askënd dhe më mirë sot të jemi bashkë solidarë, të vëmendshëm dhe kërkues ndaj njeri-tjetrit se sa nesër të gjendemi brenda mureve dhe të shikojmë rihapjen e kanalit prej nga mund të rrjedhin në drejtim të paditur të ardhurat e familjes, por dhe të ardhurat e përgjithshme kombëtare”, deklaroi kreu shtetit.
Kryeministri Edi Rama njoftoi se nga java e ardhshme, mbajtja e maskës do jetë e detyrueshme dhe në ambientet e jashtme.
LEXO EDHE:
