Nga Boldnews.al
Një histori mes epshit të pushtetit dhe epshorit të kabinetit qeveritar mund të shkaktojë tërmet të vertetë në godinën e përhimtë të kryeministrisë. Pikërisht “mosfrenimi” në kohë i një prej ministrave me nam si qejfli mund të shkundë Rilindjen edhe më shumë se çdo skandal që vjen si pasojë e korrupsionit, aferave, apo lidhjet e politikës me krimin. Një histori jo dashurie, por haremi dhe perversiteti ka lënë shtatzënë një vajzë. Ministri i martuar këtë herë po përballet jo vetëm me shkatërrimin e familjes, por prishjen e qeverisë…
Bashkëshortja e qejflliut këtë herë duket se nuk do ja falë më. Jo se nuk e dinte për bëmat e burrit, por fakti që ai ka lënë shtazënë dikë, e kjo e fundit me të drejtë nuk ka pranuar të mbysë një krijesë, qoftë edhe fryt i dy dashnorëve epshmbajtës, mund të sjellë shkatërrim të vërtetë për ministrin më të besuar të të madhit fare.
Rilindja mund të jetë “pjellore”, por këtë herë situata duket më serioze se vetë “hall-qejfi” i dy familjeve dhe personazheve.
Në inatë e sipër bashkëshortja e ministër qejfliut, por i përfolur si një nga më të kurruptuarit, mund të nxjerrë në shesh të palarat e burrit dhe shokëve të tij të përlyer në afera.
Ky është halli më i madh që sot ka kapluar qeverinë, madje edhe ndonjë ministreshë është shqetësuar, jo se koleg epshori mund të përballet me halle familjare e të japë dorëhqejen, por pas tij mund të bjerë edhe karabinaja ‘Rilindje’.
Po sikur ajo të zerë edhe të madhin, bashkë me atë “miush qejfliun”?
Të jemi të sinqertë ai i madhi si ka dhënë ndonjë të “shtyrë” ministrit të tij për të mëkatuar në atë çastin final, por nga një “dashnorësi” mund t’i dalin edhe kryeqeveritarit disa gjynahe që kanë të bëjnë me shpërdorim të detyrës, ndërhyrje, e ndonjë bisedë tjetër edhe më kompromentuese.
Ky është hall për ta, madje hall koke. Edhe ministresha të njohura kanë nisur ta kritikojnë: si nuk u përmbajt, po të gjithë kanë dashnore në kabinet, por dinë të ruhen. E këto dilema të qeverisë, janë telash i madh. Edhe populli ka fajin e tij. Po sikur ai ministri teksa ishte në qejf e sipër qejfit të jetë shpërqëndruar dhe qoftë edhe një çast të ketë menduar për qytetarët?
Psh, ai të jetë stepur se duke qenë në një dhomë moderne hoteli t’i jetë kujtuar një çadër që rrinë shumë të pastrehë nga tërmeti? Një çast është ai…, dhe ndodhi gjëma.
Ja edhe populli pa e kuptuar është fajtor. Qytetarët për ketë gjëmë qeveritare duhet ti thërrasin mirë mendjes. Kërkojnë rindërtim banesash pasi iu rrënuan nga tërmeti, ndonjëherë edhe ankohen tek opozita… Qytetarë të “pangopur”, duan strehëz mbi krye, duke e shitur si hall të madh… Po halli hallit nuk i ngjan dhe vertetë telash është ai i ministër qejfliut që pa dashje mund të marrë me vete gjithë kabinetin.
Disa Rilindas të shqetësuar (që largqoftë për ta), kanë nisur të mendojnë rënien, ama në fund thonë: koka ta bën… Dhe kur truri nuk është në vend, apo është në vend të keq, ndodh kjo gjëmë brenda pushtetit!
