Kukësi vijon përgatitjet për sezonin e ri. Skuadra e drejtuar nga Skënder Gega nuk ka ndërmend të ndalet as këtë javë dhe do të zbresë sërish në fushë.
Stafi drejtues ka menduar që të mbajnë lojtarët në formë dhe për këtë arsye kanë planifikuar një tjetër ndeshje miqësore.
Ditën e nesërme Kukësi do të përballet me Skënderbeun në Durrës në orën 16:30. Një test që do t’i shërbejë trajnerit Gega për të parë edhe gjendjen e lojtarëve e afruar së fundmi në merkato si dhe për të krijuar një ide për formacionin që Kukësi do të luajë në sezonin e ri.
