Prej disa ditësh Kryebashkiaku Erion Veliaj raporton se njerëz të ekranit, artistë apo këngëtarë, po i bashkohen socialistëve, në prag të fushatës për zgjedhjet e 25 prillit.
Një ditë më parë, Veliaj, drejtues politik i PS-së në Tiranë dhe Kryebashkiak, prezantoi këngëtaren Eli Fara si një prurje e re në rradhët e socialistëve.
Por ky moment është pasuar nga një ironi e Genc Sejkos, i njohur ndryshe si njeriu i memeve, i cili në rrjetet sociale shkruan: “Mandi Nishtullës ka tre ditë që nuk del nga shtëpia se ka frikë se e fut Erioni në parti”.
Batuta e Sejkos duket se është përdorur edhe nga gazetari Enkel Demi, i cili ka ironizuar Veliajn dhe Rilindjen me anëtarësimet e reja në parti të artistëve apo këngëtarëve.
“Thuhet që Mandi i Nishtullës ka katër muaj që rri në shtëpi se mos e marrin e rekrutrojnë te Rilindja”, tha gazetari Demi.
