Deputeti Lefter Maliqi akuzoi për korrupsion drejtorin e Përgjithshëm të Burgjeve, Agim Ismailin. Ai tha se kurrë nuk kanë ndodhur në vend greva dhe protesta si këto që kanë ndodhur ditët e fundit në sistemet e vuajtjes së dënimit.
Sipas Maliqit, sistemi i burgjeve, tregon kalbëzimin e pushtetit. Ai tha se edhe drejtorët e burgjeve po kryejnë korrupsion masiv.
“Vazhdoja greva dhe një ndër kërkesat është largimi i drejtorit të përgjithshëm të burgjeve, njeriu që unë kam bërë dy interpelanca me ministren e drejtësisë, duke i thënë se je një ministre kukull, ashtu siç është kukull Sandër Lleshaj, ashtu siç ishte Besa, ashtu siç janë një pjesë e ministrave të kabinetit Rama. Me burgjet vjen era krim, korrupsion, i vetmi sistem ku pas emërimit të këtij drejtori të korrupstuar, siç janë dhe drejtorët e tjerë të përgjithshëm, që s’kanë lidhje me PS, por me Rilindjen e krimit. Çfarë dosjesh ka ky. Çfarë kasetash ka ky që u shpërblye si drejtor i ushqimeve dhe pastaj i burgjeve ndërkohë që s’ka as arsim, as gjë. Do të thotë që aktet korruptive të këtyre janë shumë të mëdha”, tha mes të tjerash Maliqi në një prononcim për gazetarët.
