Kryetari i Shoqatës Antikomuniste, Nebil Çika, në një postim në rrjetet sociale shkruan se po mashtrohet me zhvarrosjen e të zhdukurve të komunizmit në Burgun e Burrelit.
Çika shkruan se VKM e kryeministrit Rama ka qene vetëm për një person, Aldo Terruzi, një shtetas italiani burgosur dhe vdekur në këtë burg.
Sipas tij për mijëra shqiptarë te tjerë te vrarë vdekur në burgjet komuniste kryeministri dhe qeveria nuk duan tia dinë fare.
Postimi i plotë:
Mashtrimi me zhvarrosjen e të zhdukurve të komunizmit në Burgun e Burrelit. Rama VKM vetëm për një ish të burgosur italian, shqiptaret nuk do zhvarrosen.
Javën e kaluar nisi dhe u ndërpre gërmimi i Task-Forcës se qeverise shqiptare për eshtrat e te burgosurave politike antikomuniste ne burgun e Burrelit. Nga autoritetet dhe mediat u njoftua se po fillonte zbulimi i eshtrave te gjithë te burgosurve ne varre e të vdekur në atë burg por në fakt VKM e kryeministrit Rama ka qenë vetëm për një person, Aldo Terruzi një shtetas italiani burgosur dhe vdekur në këtë burg.
Për mijëra shqiptarë te tjerë te vrarë vdekur në burgjet komuniste kryeministri dhe qeveria nuk duan ti dine fare. Kjo VKM tregon edhe një here vazhdimin e krimit nga qeveria e shteti shqiptar te cilët refuzojnë ti kthejnë eshtrat e atyre qe vranë vete apo pasardhësit politike e gjenetike si dhe inferioritetin dhe servilizmin ndaj te huajve qe i mbajnë ende në pushtet.
Shume mire bëjnë qe kërkojnë te gjejnë eshtrat e Terruzit por një VKM vetëm për atë dëshmon urrejtjen dhe vazhdimësinë e krimit te kësaj qeverie komuniste. Rama dhe te tjerët rreth tij janë të terrorizuar nga provat juridike të krimeve te tyre si janë kufomat e te vrave dhe te vdekurve ne burgjet politike te komunizmit. Vete mos dhenia e trupave te viktimave te komunizmit është një krim kundër njerizimit, nje vepër e rende penale qe qeveria e shteti shqiptar vazhdon ta konsumoje edhe sot .
Ky VKM i firmosur nga kryeministri eshte prova me e qarte qe krimi komunist ende vazhdon .
Ketij krimi i bashkohen edhe institucione te tjera qe kane pasuar dijeni për ketë VKM kriminale te qeverise Rama dhe kane heshtur apo me tepër e kanë përdorur për propagandë elektorale duke deklaruar publikisht qe qeveria po fillon te kërkoje te zhdukurit e komunizmit ku ne fakt po kërkonin vetëm një trup dhe për këtë te detyruar nga presioni i qeverise italiane.
Kjo është e vërteta mbi fillimin e kërkimit të gjetjes se të zhdukurve nga komunizmi ne Burrel një e vërtet që ndryshe nga sa u propagandua tregon krimi komunist ende vazhdon.
