Një aksident i rëndë ka ndodhur mëngjesin e sotëm në pranë Borizanës, ku pasagjeri i një automjeti, rreth 26 vjeç, ka humbur jetën.
Policia njoftoi se aksidenti ka ndodhur rreth orës 6:30, në rrugën Fushë Krujë – Kurbin, në Borizanë. Nga të dhënat e para mësohet se si drejtuesi i mjetit, i cili ka mbetur i plagosur edhe pasagjeri që humbi jetën janë banorë të Fushë-Krujës.
Raportohet se shkak për aksidentin ka qenë shpejtësia e madhe me të cilën po lëvizte automjeti, drejtuesi i të cilit ka humbur kontrollin, duke u përplasur fillimisht me bordurat anësore.
Dyshoimet e para janë se dy personat e ndodhur në automjetin tip Audi janë përshirë në një grabitje, raporton abcnews.
Nga burime policore mësohet se në tentativë për t’u larguar, drejtuesi i mjetit ka shtuar shpejtësinë, ç’ka solli edhe aksidentin.
Në makinën tip audi A3 me targa AA 603 IG e vjedhur në Laç, janë gjetur dy palë targa, maska dhe doreza.
