Kryetari i PD-së, Lulzim Basha, i ka prezantuar sot, taksistëve në Tiranë, planin e rimëkëmbjes së propozuar nga PD-ja për të dalë nga kriza, duke qenë se ata janë një nga sektorët e goditura nga kriza.
Gjithashtu, Basha u ka bërë të qartë edhe planin që PD-ja ka, për zhvillimin e këtij sektori pas zgjedhjeve të 25 prillit, duke filluar nga heqja e “Taksës Rama” mbi karburantin.
“Gjendja sot është shumë e rëndë për të gjithë ekonominë. Ju jeni termometri i gjendjes, atë që shikoni dhe dëgjoni ju është baraz me dhjetë vrojtime të opinionin publik.
Unë kam takuar edhe kolegë tuaj dhe më thonë që kjo është gjendja më e rëndë në të paktën dy dekada. Tani çfarë duhet bërë? Në këto gjashtë muaj që është akoma kjo qeveri dhe elementare, të mbajmë konsumin në këmbë. Se konsumi është palosur. Ata nuk kanë lekë të blejnë bukë, imagjino pastaj që t’u duhet të marrin një taksi për të shkuar në spital.
Prandaj kemi propozuar një plan me pesë pika që këtë qëllim ka, të rrisë konsumin dhe t’i vijë në ndihmë njerëzve që kanë humbur vendet e punës. Është plotësisht e mundur nuk kemi propozuar asnjë mrekulli: 160 mijë lekë për ata që kanë humbur vendet e punës, minimumin jetik.
1000 euro për çdo biznes të vogël për të paguar detyrimet gjatë këtyre gjashtë muajve të ardhshëm.
200 mije lekë për çdo biznes për ata që rimerr në punë dhe është detyruar t’i heqë nga puna gjatë kohës së karantinës.
Një 20 mijë lekë për çdo pensionist që të paguajë kostot shtesë. Se edhe ju keni kosto shtesë, dezinfektanti, maskat, puna me rënie kapacitete, plus njerëzit që nuk kanë mundësi të paguajnë taksinë ëpr shkak të krizës që po thellohet, pra këto janë masa që duhen marrë tani etj”, tha Basha.
kjo eshte per ta bashkangjit ne lajm
Bashkëbisedimi
Taksisti ndërhyn: Plus trafiku që na shton koston e shpenzimit të karburantit, se është kaos…
Basha: “Këto janë masa që duhen marrë tani, Olsi, ato që po flasim pastaj janë masa që duhen marrë pas 25 prillit. Ato i keni vetë në dorë. Unë kam në dorë t’ju them alternativën se si do të dalim, ju e keni në dorë ta vendosni me votë.
Heqja e taksës, që unë e quaj “Taksa Rama” mbi karburantin: 240- lekshi që vuri në 2014-2015, do të jetë hap i menjëhershëm. Do të ndihmojë transportin dhe gjithë ekonominë.
Sa i përket sektorit të taksive, një “derregullim”: një heqje të rregullave që e kanë bërë shumë të vështirë sektorin tuaj, por nga ana tjetër edhe demonopolizim se më thonë që nga aeroporti i Rinasit deri në zonat më të mira të Tiranës punojnë me skemë monopolesh. Për të tjerat do të ndjekim praktikat europiane.”
