Një aksident me vdekje ka ndodhur në rrugën Fushë Krujë Krujë – Kurbin. Viktima është një djalë 26 vjeç, pasagjer në një makinë Audi, e cila ka humbur kontrollin dhe ka dalë nga rruga. Raportohet se automjeti është përplasur me bordurën e rrugës, si pasojë e të cilës është plagosur drejtuesi i mjetit dhe humbi jetën pasagjeri.
Identiteti i viktimës dhe i të plagosurit ende nuk është dhënë.
Policia njoftoi se më datë 7.10.2020, rreth orës 6:30, në rrugën Fushë Krujë – Kurbin, në Borizanë, mjeti “Audi”, ka humbur kontrollin duke u përplasur me bordurën anësore të rrugës, e për pasojë ka ndërruar jetë pasagjeri në mjet rreth 26 vjeç, ndërsa drejtuesi i mjetit është dërguar në spital nën kujdesin e mjekëve. Grupi hetimor ndodhet në vendngjarje dhe po punon për zbardhjen e ngjarjes.”
