Ish-ministri i Drejtësisë, Ylli Manjani, ka reaguar përmes një postimi në rrjetet sociale, lidhur me deklaratat e Kryeprokurorit Olsian Çela, i cili tha se krimi komandon Elbasanin dhe ekonominë e qytetit.
Manjani shkruan se një katastrofë e reformës në drejtësi është fakti se Prokurori i Përgjithshëm është zyrtari më pa fuqi në shërbimin e Prokurorisë.
“Personalisht e kam përkrahur zgjedhjen e Prokurorit aktual. Duket si person me dëshirë të mirë dhe ide të qarta. Por Ai nuk ka në dorë instrumentat ligjorë për të bërë atë që thotë.
Prokuroria pas reformës është institucion i decentralizuar. Pra një bashkësi prokurorësh pa kokë, pa drejtim.
Prokurorët janë të pavarur nga eprorët e tyre. Por kjo “pavarësi” shfrytëzohet për hallet personale dhe jo për interesin publik. Ne e dimë se si e kush i zgjidh hallet personale… Kush më mirë se Pushteti dhe Krimi të “mbaron punë”?!”, shkruan Manjani.
Postimi nga Ylli Manjani
Ja një pasojë katastrofë e reformës në drejtësi.
Prokurori i Përgjithshëm i Republikës është zyrtari më pa fuqi në shërbimin e Prokurorisë.
Personalisht e kam përkrahur zgjedhjen e Prokurorit aktual. Duket si person me dëshirë të mirë dhe ide të qarta. Por Ai nuk ka në dorë instrumentat ligjorë për të bërë atë që thotë.
Prokuroria pas reformës është institucion i decentralizuar. Pra një bashkësi prokurorësh pa kokë, pa drejtim.
Prokurorët janë të pavarur nga eprorët e tyre. Por kjo “pavarësi” shfrytëzohet për hallet personale dhe jo për interesin publik. Ne e dimë se si e kush i zgjidh hallet personale… Kush më mirë se Pushteti dhe Krimi të “mbaron punë”?!
Interesi publik është koncept shunë më i gjerë sesa dosja konkrete që i bie me short një prokurori. Prandaj institucioni ka prokurorë por ka edhe Prokuror të Pergjitshëm. Ky i fundit drejton prokurorinë si shërbim në funksion të publikes dhe jo si zyrë evidencash të prokurorëve të veçantë.
Prokurori i Pergjithshëm ska asgjë në dorë. Vetëm sheh lajmet dhe nuk bën dot asgjë për shërbimin që drejton.
Ja pra se si degradon një shërbim publik nga një zgjedhje thellësisht e gabuar ligjore.
Jam kurioz ku janë ata “profesorët e reformës” që na flisnin si amerikanë?! Nuk e di a u bën përshtypje kjo situatë krimi dhe prokurori e kthyer në vartëse të pushtetit !?
Kjo zgjidhje duhet shpallur e DËSHTUAR dhe duhet rivendosur autoriteti ligjor i Prokurorisë si institucion e jo si stallë prokurorësh pa lidhje me interesin publik.
