Në 24 orët e fundit në Itali janë regjistruar 2257 raste të reja me koronavirus, nga 2578 që ishin dje. Numri i përgjithshëm i të prekurve që nga fillimi i pandemisë ka shkuar në 327,586.
Rajoni më i prekur në 24 orët e fundit është Campania me 431, ndjekur nga Lombardia me 251, Lazio 248 dhe Veneto me 230 raste të reja.
16 pacientë kanë humbur jetën, duke bërë që bilanci i përgjithshëm i viktimave të kalojë mbi 36 mijë.
Në 24 orët e fundit ka pasur edhe shtim të rasteve të reja të shtruara në spital, 200 brenda ditës nga 82 që ishte dje.
Numri të prekurve me Covid-19 që po marrin trajtim mjekësor në spital është 3,487, prej të cilëve 323 janë në terapi intensive.
