Edi Rama sot ka vendosur të përjashtojë nga takimi i tij gazetaren Ambrozia Meta. I gjendur ngushtë disa herë nga pyetjet e gazetares së SYRI TV, Ambrozia Meta, Rama sot ka vendosur të gënjejë gazetaren me anë të koordinatores së tij, duke i thënë se ka një prezantim në televizionin personal ERTV pa gazetarë.
Por në fakt, takimi është bërë me gazetarët që ka preferuar Edi Rama, i cili duke përjashtuar SYRI TV ka vendosur censurën në daljet e tij.
Për këtë gjë, ka reaguar edhe vetë gazetarja Ambrozia Meta:
Sot, Kryeministri Rama, në cilësinë e Kryetarit të PS, zhvilloi një bashkëbisedim me gazetarët. Koordinatorja e Zyrës se shtypit të Partisë Socialiste, ka ftuar privatisht gazetarët që të marrin pjesë në bashkëbisedim.
Më shumë se përjashtimi im nga ky bashkëbisedim, që nuk është i fundit se e marta vjen shpejt, është shumë e turpshme se si gënjen kjo Koordinatore e zyrës së shtypit të Partisë Socialiste pak para se kati i parë i selisë rozë të gëlojë nga gazetarët e të gjithë televizioneve të tjera. SYRI TV nuk e transmetoi bashkëbisedimin e Ramës. E marta vjen shpejt.
