Disa zona në kryeqytetit ndodhen pa energji elektrike prej disa orësh, pasi një subjekt privat ka dëmtuar fiderin e tensionit të mesëm.
Kompania OSHE bën me dije se zonat pa energji janë Yzberishti, Mëzezi dhe Pallatet “Çabej”, etj. Kompania thotë se po punohet për riparimin e defektit, ndërsa shpreh keqardhje për rastet e përsëritura.
OSSH njofton se një pjesë e zonës Yzberisht, Mëzes, Pallatet “Çabej”, etj, ndodhen prej 2 orësh pa energji elektrike për shkak se një subjekt privat “4 AM”, dëmtoi fiderin e tensionit të mesëm.
Pas procedurave ligjore, jemi duke kryer procesin e riparimit, qe do kërkojë edhe 1 orë.
OSSH Tiranë shpreh keqardhje për situata të ngjashme të përsëritura nga subjekte private që dëmtojnë rrjetin elektrik, duke sjelle kosto për shoqërinë dhe abonentët.
Të gjitha kompanitë dhe kushdo që duhet të kryejë punime (gërrmime, etj), duhet me patjetër të njoftojë kompaninë OSSH sipas procedurave, për tu njohur me hartën e rrjetit elektrik dhe të evitohen rastet si i sotmi”, thuhet në reagimin e kompanisë.
