Honda njoftoi papritur se do të largohet nga Formula 1 në fund të vitit 2021. Duke marrë këtë lajm surprizë, tashmë Red Bull dhe AlphaTauri duhet të vihen në kërkim të një furnizuesi të ri motorësh
Prodhuesi japonez i motorëve u kthye në F1 në vitin 2015, duke bashkëpunuar me McLaren, një binom që nuk pati sukses dhe që u nda në vitin 2018. Më pas, Honda u bashkua fillimisht me Toro Rosso, përpara se të niste bashkëpunimin edhe me Red Bull.
Me këto ekipe, Honda ka fituar 5 gara në dy vite e gjysmë.
Largimi i Hondës do ta lërë Formulën 1 me vetëm 3 furnizues motorësh: Mercedes, Ferrari dhe Renault. Me rregullat e reja, Renault do të detyrohet që të furnizojë me motorë ekipet Red Bull dhe AlphaTauri, pasi për momentin kanë më pak klientë sesa furnizuesit e tjerë.
