“Edi Rama nuk i qëndron marrëveshjeve”, u shpreh kreu demokrat Lulzim Basha në emisionin “Çim Peka Live”. Ai tha se për hir të pushtetit të tij, Edi Rama bën gjithçka, ndërsa shtoi kush shpreson te ai është i mjerë.
“Rama mund të hipë edhe majë ullirit dhe të këndojë, por është i pashpresë. Rruga e Ramës të çon në lumë, të çon në izolim, si ai i para viteve `90.
25 prilli është një përmbysje regjimi”, tha Basha, duke shprehur bindjen e opozita fiton zgjedhjet e ardhshme parlamentare.
Sipas tij, Rama do të ndëshkohet vetëm për premtimet e pambajtura dhe mesazhi që do të japin qytetarët do të jetë paralajmërues për të majtë e për të djathtë.
“Ndryshimi është plotësisht i mundshëm dhe ne këtë po bëjmë sot, po bindim qytetarët që Shqipëria nuk është e varfër, po u shpjegojmë shqiptarëve si do të arrihen objektivat”, tha Basha.
