Lajm i mirë për Partizanin, të kuqtë fitojnë gjyqin me FIFA-n

Partizani ka fituar gjyqin me FIFA-n sa i takon dy lojtarëve të kthyer nga huazimi. Të kuqtë kanë pasur vështirësi të regjistronin Jasir Asanin dhe Alesio Hysenin, futbollistë që u kthyen nga huazimet.

Përkatësisht Asani zhvilloi disa muaj me AIK në Suedi, ndërsa mesfushori tjetër luajti në Ishujt Faroe me KL Klaksvik.

Me merkaton e bllokuar prej çështjes Cinari, të kuqtë hasën vështirësi në sistemin e FIFA-s për të regjistruar lojtarët që ka në pronësi. Tanimë gjyqi është fituar dhe Daja do mund të ketë të gatshëm lojtarët për nisjen e sezonit.