Këngëtari shqiptar: Unë dhe grupi im kemi humbur 60 dasma, jemi me borxhe

Mbyllja e lokaleve të natës për shkak të pandemisë së Covid-19 ka sjellë probleme financiare te këngëtarët të cilët e kanë si pikën kryesore të fitimit të të ardhurave.

Këngëtari Labinot Rexha, i ftuar tek “Abc-ja e mëngjesit”, ka deklaruar se disa lokale janë hapur madje mbajnë brenda shumë persona.

Në Zvicër, zvicerianët e dinë që në një lokal të natës do ta ketë një kontakt me virusin po e gjejnë mënyrën që mos ta hapin kontaktin. Kurse në Kosovë nuk ndodh kjo. Unë këndoj në Gjenevë çdo të premte. Ndërsa në një tjetër kanton lejohen deri në 300 veta në lokalet e natës. Këtu e gjejnë një mënyrë”, tha ai.

Rexha theksoi se shumë këngëtarë kanë marrë borxhe, po nuk kanë me çfarë t’i shlyejnë.

Grupi im dhe unë kemi humbur 60 dasma që do të thotë përafërsisht gjithë buxhetin.  Grupi im është me borxhe. Në Kosovë, shoku i shokut tim ka marr borxhe. Ne mendojmë që në fund të sezonit t’ja shlyejmë, po tani nuk dimë. Unë në raste konkrete kam kthyer shumë kapare, po nuk kthehet. Ka ardh koha që zoti po na dënon pak, nuk e dimë nëse në këto lokalet e natës po shkojmë në kabare apo diku tjetër. Ka persona që marrin bashkish dhe i fotografojnë, po ka njerëz që nuk kanë të hanë”, shtoi Labinoti.