Alarm tek Real Madrid, ylli i skuadrës rrezikon mungesën në ‘El Clasico’

Sulmuesi anësor i Real Madrid, Eden Hazard, vazhdon të vuajë në Spanjë. Ylli i kombëtares belge nuk po gjen qetësi në aventurën e tij në La Liga, pasi sërish është dëmtuar.

Është vetë klubi madrilen ai që ka konfirmuar dëmtimin e 29-vjeçarit, i cili parashikohet të mungojë rreth tre javë.

“Pas testeve të kryera nga Shërbimet Mjekësore të Real Madrid, Eden Hazard, është diagnostikuar me një dëmtim të muskujve në këmbën e tij të majtë,” thuhet në deklaratën zyrtare të klubit spanjoll.

Nga ky dëmtim belgu mund të humbasë duelin me Barcelonën, e cila është parashikuar për tu luajtur në datën 25 tetor.

Që kur është transferuar në Madrid, Hazard ka vuajtur shumë nga dëmtimet e shpeshta dhe deri më tani numëron vetëm 19 ndeshje që nga viti 2019.