Shuplaka berlineze për Ramën

Nga BoldNews.al

Ndërsa kryeministri Edi Rama mbante konferencë për shtyp krah ministrit të fatkeqësive (Ministrit të Rindërtimit) Arben Ahmetaj dhe ministres së Financave dhe Ekonomisë Anila Denaj, nga Gjermania po përgatitej një qëndrim që ishte shuplakë e fortë berlineze për kryeministrin tonë.

Nënkryetari i grupit parlamentar CDU/CSU, Johann David Wadephul, i bëri thirrje Shqipërisë që të arrijë një konsenus në Këshillin Politik për reformën zgjedhore, duke e konsideruar si një nga pikat ku varet edhe integrimi i mëtejshëm i vendit tonë.
“Kthejuni konsensusit në Këshillin Politik. Dhe jepini ODIHR-it mundësinë që të vlerësojë ndryshimet që do të arrihen në Këshillin Politik për listat zgjedhore. Vetëm nëse thotë ODIHR-i se reforma zgjedhore është në përputhje të plotë me kriteret e OSBE/ODIHR-it, atëherë edhe ne do ta kemi të lehtë që të themi se është plotësuar edhe kushti i reformës zgjedhore”, tha ai.

Një qëndrim i qartë gjerman, i cili nuk lë vend për përdredhje nga drejtuesit e Rilindjes. Këtë deklaratë numri dy i Bundestagut Gjerman e mbajti pikërisht në kohën kur në Berlin ndodhet zëvendësministri i Jashtëm Gent Cakaj, i cili në xhep mban autorizim ministri, me firmën e kryeministrit.

LEXO EDHE  Infektohen 4 edukatore, mbyllet kopshti

Përtej deklaratave ka një fakt që për Ramën dhemb shumë më shumë se integrimi i vendit. Dhjetë ditë më parë kryeministri ynë shkoi në Berlin bashkë me Taulant Ballën me shpresën se do të pritej nga kancelarja gjermane, e nëse nuk do e takonte, të paktën shpresonte për një telefonatë… Merkel e refuzoi, po ashtu edhe drejtuesit politik atje.
Në politikën europiane, shpesh enigmat zgjidhen nga mënyra e sjelljes dhe pikërisht refuzimi që Merkel i bëri Ramës ishte domethënës, pasi kryeministri ynë nuk është vetëm i pabesueshëm, por po konsiderohet drejtues qeverie me sjellje që lenë pasoja, sidomos në shkeljen e parimeve bazë të demokracisë.

Numri dy i Bundestagut Gjerman e bëri mëse të qartë se lëvizjet idioteske të Ramës dhe Gjiknurit, duke shkelur marrëveshjen e 5 qershorit, për të synuar ndalimin e koalicioneve parazgjedhore dhe listat e mbyllura, janë treguesi që Shqipëria rrezikon hapjen e negociatave edhe këtë vit, çka do të thotë se me Ramën kryeministër integrimi i vendit drejt BE-së jo vetëm që nuk do ecë përpara, por rrezikon një kthim të frikshëm pas.