SPAK ka vendosur që të bashkojë në një dosje të 6 kallzimet që Aleanca për Mbrojtjen e Teatrit ka depozituar në prokurorinë speciale, që nga momenti i shembjes së godinës, më 17 maj.
Raportohet se Adriana Kalaja, juriste e Aleancës për Mbrojtjen e Teatrit, është marrë në pyetje nga oficerët e policisë gyqësore.
Prej muajsh aktivistë të Aleancës kanë kallëzuar pranë Prokurorisë Speciale (SPAK), Edi Ramën, Erion Veliajn, Sandër Lleshajn, Ardi Veliun, Arbjan Maznikun, Toni Gogun, nëpunës civilë të bashkisë Tiranë, kryeinspektoren e Inspektoriatit Kombëtar të Mbrojtjes së Territorit, inxinierë dhe funksionarë të Insitutit të Ndërtimit, si dhe çdo person që ka pasur lidhje me shembjen e Teatrit.
Përfaqësues të Aleancës janë shprehur se do t’i shkojnë deri në fund kësaj kauze.
