Mandati i tretë i Ramës? Berisha: Nëse një kryeministër përdor forcën e ekzekutivit në zgjedhje, ai tërhiqet zvarrë gjallë apo vdekur

Ish-kryeministri Sali Berisha deklaroi në Tempora se qeveria Rama këto 8 vite qeverise ka bërë hapa pas.

I pyetur se nëse Rama mund të marrë mandatin e tretë, Berisha deklaroi se kur një kryeministër mund përdor gjithë forcën e ekzekutivit, mund t’i fitojë ato një herë, 2 apo dhe 3 herë, por vjen një moment që populli e tërheq zvarrë gjallë apo vdekur.

‘Unë mendoj se nëse shkel çdo parim ndërton disfatën, ndërton autokracinë, rikthen të shkuarën dhe zhbën arritjet. Duhen disa parime. Nëse marrim 8 vitet e tij do doja të ishte shumë më para nga aty ku e lamë por e vërteta është se Shqipëria 8 vite më parë kishte rrogat më të larta në rajon, më të larta se Bullgaria dhe Rumania, sot kanë rrogën më të ulët në rajon. Shqiptarët kanë sot çmimet më të larta, shqiptarët tejkalojnë sirianët në azilkërkues në Europë. Vetëm nga 2014 deri më sot janë 220 mijë azilkërkues pa llogaritur të tjerët. Në vitin 2013 ne e lamë të gatshëm statusin kandidat, por pas 8 vitesh Shqipëria ka marrë vetëm shtim kushtesh. Shqipëria u cilësua e kualifikuar në dhjetëra herë si narkoshtet, si Kolumbia e Europës dhe sëfundmi si shtet i dështuar. Nëse një kryeministër vendos të përdorë të gjithë fuqitë e ekzekutivit ai mund ti fitojë ato deri sa ta zvarrisin në rrugë të gjallë apo të vdekur’, deklaroi Berisha.

LEXO EDHE  FOTO/ "Ty të është djegur PUK ka vite", humor në rrjetet sociale me Ramën