Kupa e Ligës/ Tottenham eliminon Chelsean pas goditjeve të penalltive

Tottenham ka eliminuar Chelsea-n nga Kupa e Ligës Angleze duke u kualifikuar për në fazën çerekfinale.

Koha e rregullt është mbyllur në barazim 1-1, ndërsa fituesi është përcaktuar pas goditjeve të 11-metërshëve.

“Blutë” kaluan të parët në avantazh me anë të blerjes së re Timo Werner në minutën e 19-të të takimit. Ky ishte goli i parë i gjermanit për Chelsean i realizuar në një ndeshje kaq të rëndësishme.

LEXO EDHE  I prekur nga Covid-19, sulmuesi shqiptar humb supersfidën në "Camp Nou" kundër Barcelonës

Gjithsesi, Tottenham do të barazonte rezultatin në minutën e 83-të me anë të Lamelas. Koha e rregullt nuk prodhoi një fitues dhe skuadrat iu drejtuan penalltive.

Ai që gaboi për skuadrën e udhëhequr nga Lampard, ishte talenti Mason Mount i cili goditi penalltinë e 5-të për skuadrën por që topi u përplas në shtyllën e majtë për të përfunduar më pas jashtë kuadratit.

Chelsea eliminohet ndërsa Tottenham kualifikohet më tej.