Mbledhja e përbashkët e qeverive Rama-Hoti, 15 marrëveshje pritet të miratohen

Mbledhja e përbashkët e qeverive Kosovë-Shqipëri do të mbahet në Tiranë, në 2 tetor, orën 11:00 në Pallatin e Kongreseve.

Në mbledhjen e qeverive Rama-Hoti do të diskutohen 15 marrëveshje.

Ndër të tjera dy kryeministrat do të nënshkruajnë një deklaratë të përbashkët, e cila rekomandon që Kuvendi i Kosovës dhe ai i Shqipërisë të mbikëqyrin zbatimin e marrëveshjeve që do arrihen në mes dy vendeve.

LEXO EDHE  Covid 19/ Ish-ministri i Shëndetësisë: Mjeku i familjes dhe personeli mjeksor nuk janë ‘skllevër’

Mbledhja mes dy qeverive ishte parashikuar që të mbahej në Shkodër, por është ndryshuar me Tiranën. Mbledhja e përbashkët e 2 tetorit do të jetë mbledhja e gjashtë e përbashkët e dy qeverive.

Mbledhja e parë e përbashkët u mbajt më 11 janar të vitit 2014 në Prizren dhe drejtohej nga kryeministrat e atëhershëm të Kosovës dhe Shqipërisë, Hashim Thaçi dhe Edi Rama.