Erhun Obanor ka refuzuar rinovimin e kontratës dhe është larguar nga skuadra e Kukësit. Mbrojtësi u përshëndet me shokët e skuadrës ndërkohë që tani duhet të vendosë se ku do ta vijojë karrierën.
“Erhun Obanor nuk është më pjesë e Kukësit! Mbrojtësit nigerian i përfundoi kontrata këtë verë dhe pavarësisht se klubi i ofroi një kontratë të re me kushte shumë të mira, dëshira e futbollistit ishte të provonte një aventurë jashtë Shqipërisë!
Klubi i Kukësit e falënderon mbrojtësin nigerian për kontributin e dhënë me fanellën e Kukësit dhe i uron suksese në të ardhmen. Faleminderit Obi! Thank you Obi!”, shkruhet në njoftimin e Kukësit.
Obanor la Kroacinë, ku më parë ishte aktivizuar me Rudes dhe iu bashkua skuadrës së Kukësit. Mbrojtësi u aktivizua në 26 ndeshje si titullar dhe ishte një nga lojtarët më të rëndësishëm të verilindorëve sezonin e shkuar.
https://www.facebook.com/FKKukesiAlbania/photos/a.313620202116667/2359101057568561/
