Ligue 1/ Dyshja Icardi-Mbappe i jep fitoren e radhës PSG-së

PSG arrin fitoren e tretë radhazi në Ligue 1, duke lënë pas krahëve humbjet në dy javët e para.

Kampionët në fuqi triumfuan 0-2 në fushën e Reimsit. Sfida u zhbllokua që në minutën e nëntë. Kombinim i bukur mes Kylian Mbappe dhe Mauro Icardit, me argjentinasin që realizon falë një diagonale të saktë.

Goli i sigurisë erdhi në minutën e 62-të dhe atë e shënoi sërish Icardi. Sërish Mbappe autori i asistit dhe 27-vjeçari latin nuk e ka të vështirë të shënojë me portën bosh. Kaq për këtë përballje dhe PSG ngjitet në vend të shtatë me 9 pikë.

LEXO EDHE  Plotësohet organika e Dajës, Partizanit i rikthehet sulmuesi titullar

Kujtojmë që me Reims luan Valon Berisha (e nisi si titullar) dhe Arbër Zenelit (u fut në fushë në minutën e 65-të).