Një pedagoge, në Fakultetin Ekonomik në qytetin e Elbasanit, ka rezultuar pozitiv me COVID-19. Nga raportimet mësohet se ajo është karantinuar në banesën e saj.
Gjithashtu edhe disa pedagogë të tjerë po në këtë Fakultet, të cilët kanë pasur kontakt, mësohet se janë vetëizoluar.
Elbasani është një nga qarqet më të prekura nga Covid-19 në vend. Referuar shifrave zyrtare të publikuara nga Ministria e Shëndetësisë në këtë qark deri pasditen e së shtunës, 26 shtator, ka pasur 309 raste aktive.
Shumë prej të prekurve në këtë qark janë punonjës të institucioneve shtetërore, përfshi edhe punonjës të Policisë së Shtetit, mësues apo punonjës të shëndetësisë.
