Covid-19 në Kosovë, 47 raste të reja në 24 orë/ 3 pacientë humbasin jetën

Gjatë 24 orëve të fundit, në Kosovë janë testuar 525 persona, prej të cilëve rezultojnë 47 raste pozitive, njoftoi Instituti Kombëtar i Shëndetësisë Publike të Kosovës

Brenda 24 orëve janë raportuar 3 raste vdekjesh me SARS CoV-2 pozitiv (1 rast nga Klinika Infektive, 1 rast nga spitali Ferizaj dhe 1 rast nga Mjekimi Intensiv Qendror, QKUK).

Numri total i rasteve pozitive është 15.472 raste nga 65.979 persona të dyshimtë me virusin SARS-CoV-2 dhe 622 raste të vdekjes.

LEXO EDHE  E trishtë/ 13 ditë në luftë me kancerin, ndërron jetë politikania

Gjatë 24 orëve të fundit, janë shëruar 113 pacientë derisa numri i përgjithshëm i të shëruarve deri më sot është gjithsej 13.278 raste, kurse numri i rasteve aktive është 1.572.

Rastet pozitive janë nga: komuna Prishtinë 17 raste, komuna Gjilan 9 raste, komuna Istog 5 raste, komuna Kamenicë 4 raste, komuna Fushë Kosovë 3 raste, komuna Viti 2 raste dhe me nga një rast komunat Ferizaj, Lipjan, Obiliq, Pejë, Podujevë, Suharekë dhe Vushtrri.