Aksidenti i rëndë/ Humb jetën fëmija 10 vjeç, në gjendje të rëndë babai. Detajet

Një aksident tragjik ka ndodhur në orët e natës në Itali, ndërsa ka humbur jetën një 10 vjeçar dhe babai i tij, 40 vjeç, me origjinë shqiptare, është dërguar në gjendje të rëndë për në spital në Fermo.

Tragjedia ndodhi pak para mesnatës përgjatë rrugës që lidh Valmir me Petritolin, pak para hyrjes në qendrën historike.

40-vjeçari me banim në Itali për shumë vite – po drejtonte një Fiat Panda dhe po udhëtonte në rrugën që ngjitet nga Valmir drejt qendrës historike, në shoqërinë e fëmijës së tij, lindur në Itali.

Për shkaqe ende të panjohura për policinë, shoferi humb kontrollin e makinës, e cila u përplas fort me një mur dhe më pas u përmbys.

LEXO EDHE  I infektuar me Covid, humb jetën mjeku

Si pasojë e përplasjes, fëmija ka dalë jashtë makinës, duke pësuar dëmtime të rënda, të cilave nuk u mbijetoi dot.

Ndërkohë, babai kishte mbetur i bllokuar në makinë.

Zjarrfikësit e Fermos dhe personeli mjekësor i urgjencës ndërhynë menjëherë. Çdo përpjekje për të shpëtuar jetën e fëmijës ishte pa rezultat, ndërsa babai, pasi u nxor nga zjarrfikësit dhe pas trajtimeve të para që iu dha në vend, u transportua në kushte shumë të rënda në spital.

Trupi i vogël i fëmijës u transportua në morgun e Fermos.