FOTO/ Misteri, gjendet i vrarë në banesë biznesmeni, gruaja dhe vajza e tij të plagosura

Një shqiptar nga Kosova ka humbur jetën në rrethana misterioze, ndërsa gruaja e tij, 50-vjeçare së bashku me vajzën 17 vjeç kanë mbetur të lënduara.

Ngjarja ndodhi në Zvicër, në apartamentin e tyre. Sipas mediave vendase, autoritetet e Zyrihut njoftuan se mëngjesin e djeshëm është raportuar për dhunë në një familje, por pa saktësuar se çfarë ka ndodhur konkretisht.

Autoritetet kanë gjetur dy gra, nënë e bijë të gjakosura, kurse kryefamijari, 47-vjeçari me iniciale M.B, ka ndërruar jetë.

47-vjeçari pavarësisht se kishte marrë ndihmën e parë, nuk arriti t’iu mbijetojë plagëve.

Gruaja e viktimës, 50-vjeçare dhe vajza 17-vjeçare u dërguan në spital për kurim. Viktima, kishte shkuar në Zvicër që prej moshës 16 vjeç dhe njihej si biznesmen, pasi kishte një biznes makinash.

Djali i viktimës, ka rrëfyer për median zvicerane se kur ai kishte dalë nga shtëpia pak orë para se të raportohej krimi, gjithçka ishte në rregull.