E konfirmuar! Eleni Foureira nuk do të përfaqësojë Qipron në “Eurovision 2021”

Këngëtarja me origjinë shqiptare ka refuzuar mundësinë për të përfaqësuar Qipron në Rotterdam vitin e ardhshëm.

Këtë lajm e ka bërë të ditur gazetari Giannis Poulopulos në emisionin televiziv grek të mëngjesit ‘Eftychite’. Ai zbuloi se një burim nga Panik Records – labeli i Eleni – konfirmoi se këngëtarja e “Fuego” nuk do të konkurronte në “Eurovision 2021”.

Burimi thekson se Eleni dëshiron të rikthehet në Eurovision, por vetëm kur gjërat të jenë më mirë në lidhje me koronavirusin dhe kur të ketë një shfaqje të rregullt të Eurovisionit.

Burimi i Wiwibloggs në Qipro tregon se vendimi nuk erdhi si pasojë e mungesës së vullnetit ose mungesës së këngëve. Kjo ishte vetëm për shkak të shqetësimeve në lidhje me COVID-19 dhe mënyrës se si kjo do të ndikonte në konkursin e këtij viti.