Aksidenti në Ersekë, zbardhen detajet

Policia zbardh detajet rreth aksidentit të ndodhur këtë mbrëmje në Ersekë. Aksidenti ndodhi në afërsi të fshatit Barmash. Nga ky aksident mbetën të plagosur katër persona dhe sipas policisë, pasi kanë marrë mjekim në spital, janë jashtë rrezikut për jetën.

Njoftimi

Më datë 25.09.2020, rreth orës 21:00, në afërsi të fshatit Barmash, shtetasi D. L., rreth 48 vjeç, banues në Pogradec, duke drejtuar mjetin tip “Subaru”, dyshohet se ka humbur kontrollin e mjetit dhe ka dalë nga rruga.

LEXO EDHE  Vaksina anti-Covid, mjeku i njohur: 30 % e popullsisë do vaksinohen, ja grupet që përfitojnë

Për pasojë janë dëmtuar drejtuesi i mjetit dhe tre pasagjerë në mjet, konkretisht shtetasit G. B; P. H., dhe F. K., banues në Pogradec, të cilët u dërguan në Spital ku aktualisht ndodhen jashtë rrezikut për jetën.

Grupi hetimor po punon për zbardhjen e rrethanave dhe përcaktimin e shkaqeve të aksidentit.