Prej orës 13:20 minuta policia ka rrethuar lagjen 11 Nentori në Elbasan për të neutralizuar një 71-vjeçar, i cili është i armatosur me kallashnikov.
Ai nuk pranon të dorëzohet ndërsa policia ka rrethuar zonën dhe pritet të ketë dhe një ndërhyrje të forcave RENEA.
Drejtori i policisë së Elbasanit ndodhet në vendngjarje dhe u kërkon qytetarëve të evakuohen
Nga raportimet e fundit mësohet se Lefter Zhudri është kontaktuar përmes telefonit nga vajza e tij, e cila i ka kërkuar të dorëzohet, por nuk ka pranuar.
Ndërkohë trupat RENEA mund të ndërhyjnë me gaz lotsjellës në banesën ku ndodhet 71-vjeçari për ta neutralizuar atë.
Lefter Zhidru është me origjinë nga zona e Xarrës, Sarandë. Prej rreth 5 vitesh ai kishte ardhur nga Saranda në Elbasan.
Në lagjen ku jeton në Elbasan, i moshuari njihet si tip problematik.
