Ambasadorja amerikane në Tiranë, Yuri Kim bëri një koment sot, ku u kërkoi palëve që t’i përmbahen marrëveshjes së 5 qershorit. Duke i bërë palët njësoj përgjegjës, ajo provokoi një seri reagimesh dhe ironie në rrjetet sociale.
Kur dihet se marrëveshja është shkelur nga Edi Rama, në rrjet pati disa meme.
“Basha dhe Rama janë përgjegjës për shkeljen që i bëri Rama marrëveshjes së 5 qershorit,” shkruan njeriu i memeve, Genc Sejko.
Kurse mjeshtri Bujar Kapexhiu e ka trajtuar këtë temë në karikaturën e radhës në Mapo. Aty shihet Kim teksa fle gjumë e mbuluar me marrëveshjen si jorgan, e cila është shkelur kudo.
