Teuta mposhti Kastriotin me rezultatin 1-0, në miqësoren e zhvilluar ditën e sotme në stadiumin “Niko Dovana” të qytetit të Durrësit. Ishte Rubin Hebaj, ai i cili me golin e realizuar në minutën e 17-të i dha fitoren skuadrës së drejtuar nga Edi Martini.
Tekniku shkodran hodhi në fushë thuajse të gjithë formacionin titullar, ndërkohë që nga minuta e parë u aktivizuan të dy sulmuesit Hebaj dhe Krasniqi. Vlen të theksohet se titullar e nisi edhe mbrojtësi Pjeshka. Ndërkohë që afrimi më i fundit në merkato, Silvio Zogaj, u aktivizua nga stoli.
