Kryeministri Edi Rama tha sot se sfida jonë mbetet vendosja e pagës minimale 300 mijë lekë, (pra 30 mijë lekë të reja) duke synuar që të mos ketë më asnjë pagë nën 30 mijë lekë.
“Studimi për një rishikim të sistemit të taksimit po vazhdon. Dua të them që këto masa, nuk kanë të bëjnë me fushatën elektorale, por janë fryte që merren pas një kohe të gjatë”, tha Rama.
Në mbledhjen e takimit online për programet e punësimit, Rama u shpreh se shkollat profesionale kanë pësuar një braktisje të pajustifikueshme.
Gjatë takimit u prezantuan 3 programe të reja të punësimit në mbështetje të personave që janë prekur në vendin e tyre të punës (formal ose joformal) nga pandemia.
Programi përfshin: paketa e parë me program punësimi 4 mujor, paketa e dytë me program punësimi 8 mujor dhe paketa e tretë me program punësimi 12 mujor.
“Sot kemi një numër të konsiderueshëm studentësh ekselencë që kanë hyrë drejtpërdrejtë në administratë më notat e tyre. Sipas Bankës Botërore të Papunësisë në Rajon regjistruam nivelin më të ulët të papunësisë. Është fakt se dy paketat për tu garantuar lehtësi punëdhënësve kanë funksionuar, paga e luftës ka funksionuar.
Hapja graduale e vendit ka bërë që 20 mijë persona të punësohen. Tani jemi në kohën që duhet të kujdesemi për ata që nuk janë punësuar. Këto program targetojnë punëkërkuesit që humbën vendin e punës.
Pikërisht se kemi bërë reforma, kemi ecur me durim, jemi sot në kushtet ku mund të vazhdojmë të realizojmë objektivat. Në javën e ardhshme mund të publikojmë rritjen masive të rrogave për mjekët. Mjekët dhe mësuesit i kemi në fokus”, tha Rama.
DENONCO