Javi Martinez e mbyll me Bayern-in, mesfushori pranë rikthimit në Spanjë

Jo vetëm afrime te Bayern Munchen. Javi Martinez është një prej lojtarëve që do të largohet nga kampionët e Bundesligës, ashtu si Perisis, Alcantara e Coutinho.

Mesfushori spanjoll, që më tepër ka bërë mbrojtësin me bavarezët, nuk është në planet e trajnerit Hansi Flick dhe destinacioni i radhës do të jetë ekipi i tij i zemrës, Athletic Bilbao, që pranoi të paguajnë 10 milionë euro për kartonin e 32-vjeçarit.

Martinez largohet kështu nga Bayerni pas 9 sezonesh, ku luajti 238 takime, shënoi 13 herë dhe arriti rekordin personal me 18 asiste.