“Real Madrid duhet të puthë dyshemenë ku kalonte Bale, ai nuk rikthehet më kurrë atje”

Agjenti i Gareth Bale, Jonathan Barnett , ka kritikuar Real Madrid për mënyrën se si e trajtoi klientin e tij.

Anësori uellsian ka kompletuar një kalim te Tottenham në formën e huazimit pas një sezoni totalisht të dështuar nga ana sportive me “Los Blancos”.

Barnett në intervistë e tij për “BBC Radio 4″, u pyet për mundësinë e kthimit të Bale te Real Madrid pas huazimit të tij në Premier League:

“Shpresojmë që kjo temë të mos dale më në dritë”, u përgjigj ai. Ai do të jetë aq i suksesshëm te Tottenham sa do të dëshirojë të qëndrojë atje. Ajo që unë shpresoj është që ai do ta kthejë dashurinë e tij për lojën dhe të luajë siç di ai, por kjo varet nga ai.”

“Ai ka arritur më shumë se çdo futbollist tjetër britanik jashtë Premier League. Sipas mendimit tim, ai nuk u trajtua si duhet për dikë që ka bërë kaq shumë për një klub të shkëlqyeshëm.”

“Mendoj se dikush që ka arritur atë që ka arritur për një klub, në shtatë vjet, duhet të ishte trajtuar më mirë. Unë nuk dua të fajësoj askënd ose të futem në këtë debat të kotë tashmë por ajo që bënë tifozët ishte e turpshme dhe klubi nuk ndihmoi aspak.”

Barnett gjithashtu foli me TalkSport për lëvizjen e klientit të tij dhe kishte një mesazh për tifozët e Real Madrid .

LEXO EDHE  Video/ Milan-Sparta, kuqezinjtë në avantazh

“Me atë që ai ka arritur për Real Madrid , ata duhet të puthen në dyshemenë në të cilën ai ecën”, tha agjenti i njohur.