Avokati Adriatik Lapaj ka kundërshtuar ashpër kreun e grupit parlamentar të Partisë Socialiste Taulant Balla, lidhur me sistemin e ti zgjehdor që mazhoranca ka propozuar për të zbatuar në zgjedhjet e 25 prillit 2021.
Avokati Adriatik Lapaj: Ta themi hapur për qytetarët, që nuk kemi asnjë formulë të re, por po kthehemi pas. Me këtë formulë propozuar nga partia në pushtet mund të ket ndonjë shans vetëm ndonjë i preferuar i liderit në Tiranë. Kjo është një vrasje për herë të dytë që i bëhet shpresave dhe ëndrrave të të rinjve për të ndryshuar. Është kthim tek viti 2008.
Ky sistem i bën nder servilëve. Ndërkohë personat punëtor dhe të ndëershëm do të vazhdojnë të largohen. Pas kësaj faze ky vend do të zvogëlohet edhe më shumë. Unë besoj se ende nuk është vonë. Partia Socialiste ka një detyrë morale ndaj shqiptarëve, ndaj rinisë. Boll me këto makinacione dhe me këto formula që na gënjejnë. T’i kthehen të vërtetës, t’i kthehen garës. Çfarë cilësie do kemi në një parlament të ardhshëm?.
