Eduart Grishaj po punon për filmin e tij të fundit dhe Arbana Osmani është mbështetësja e tij më e madhe. Moderatorja, edhe pse në ditët e fundit të shtatzënisë, nuk e ka lënë për asnjë sekond vetëm regjisorin duke e shoqëruar në projektin kinematografik.
Ajo postoi një foto romantike krah Eduart Grishajt nga sheshxhirimi dhe shkroi: “Duke bërë filma dhe fëmijë. Në setin e Sofia Film me regjisor artistin tim të preferuar Eduart Grishajn. I uroj atij dhe skuadrës shumë fat.”
Në imazhin e ëmbël, ku regjisori puth në ballë moderatoren, gjithë vëmendjen e mori barku i saj i rrumbullakosur.
