Policia raporton se ka identifikuar autorin e vrasjes së 34-vjeçarit Idajet Dulla, këtë pasdite në Durrës.
Burime zyrtare nga blutë e qytetit bregdetar, raportojnë se autori është identifikuar si A.K., i cili është në kërkim nga autoritetet për ngjarjen në fjalë.
Emri i tij i plotë, ende nuk është bërë publik nga policia, për shkak të hetimeve.
Kujtojmë se Idajet Dulla, u gjet pa shenja jete pranë shinave të trenit në zonën e Plepave në Durrës.
Trupi i tij është dërguar në morgun e qytetit, dhe nga konstatimet e para, thuhet se ai është goditur për vdekje me mjet prerës (thikë).
Dyshohet se ngjarja ka ndodhur pas një konflikti për motive të dobëta.
Njoftimi:
Në lidhje me ngjarjen e mësipërme ju bëjmë me dije se Policia e Durrësit ka identifikuar autorin shtetasin A.K., dhe është vënë në ndjekje të tij.
LEXO EDHE:
Tjetër krim në Shqipëri/ Vritet me thikë një person në Durrës! Emri
