Largimi i Thiagos, Alaba: Shkruam historinë së bashku

Pak minuta më parë, u bë zyrtarizimi i Thiago Alcantaras te Liverpool. Mesfushori kishte dhe një vit kontratë te Bayern Munchen dhe me rinovimin që dukej larg, zgjodhi t’i bashkohej kampionëve të Anglisë.

Thiago është një ndër mesfushorët më të mirë në botë dhe sezonin e shkuar fitoi tripletën me ekipin bavarez. Pas kësaj arritje historike, mesfushori kompletoi kalimin te Liverpool.

Bayern ka humbur një ndër futbollistët më të mirë dhe mungesa e tij, do të ndihet. Mbrojtësi i Bayern, David Alaba, ka pranuar se mungesa e Thiagos, do të ndihet. “Ne shkruam historinë së bashku. Mungesa jote do të ndihet, vëlla!”, shkroi në faqen e tij zyrtare mbrojtësi Alaba.