Deri në 1.000 tifozë do të lejohen në stadiumet italiane duke nisur nga dita e diel, – konfirmoi sot ministri i sporteve Vincenzo Spadafora, në prag të startit të sezonit të ri të Serisë A.
“Në orët e ardhshme ky vendim do të bëhet zyrtar, por unë dua të falënderoj Ministrin Speranza për bashkëpunimin dhe Komitetin Teknik Shkencor (CTS). Përparësia ishte që të mos bënim dallime mes ngjarjeve kulturore dhe atyre sportive”, thotë Spadafora fillimisht.
“Më në fund, duke filluar nga gjysmëfinalet e Tennis Masters 1000 në Romë, 1000 spektatorë mund të marrin pjesë. Kjo hap ngjarjet sportive për publikun, në ambiente të hapura, duke respektuar me përpikmëri rregullat, si distancimi social, përdorimi i maskave dhe rezervimi i ulëseve. – përfundon Ministri i Sportit,
Sezoni 2020/2021 i Serie A starton nesër ora 18:00 me sfidën Fiorentina-Torino ndërkohë në orën 20:45 luhet përballja mes Veronës dhe Romës.
