Qeveria italiane ka dhënë dritën jeshile për stërvitjet në grup të skuadrave duke filluar nga data 18 maj.
Ministrat Spadafora dhe Speranza kanë lëshuar një deklaratë të përbashkët në të cilën ata japin “OK” për zhvillimin e seancave stërvitore në grup por si gjithmonë duke u treguar të kujdesshëm.
“Komiteti Teknik Shkencor ka dhënë verdiktin e tyre mbi protokollin e sigurisë të dërguar nga Federata e Italiane e Futbollit dhe konfirmoi qasjen e kujdesshme të treguar deri më tani nga palët vendimarrëse.”
“Indikacionet e Komitetit Shkencor të cilat duhen të konsiderohen si të rrepta dhe detyruese, do t’i transmetohen Federatës së Futbollit për ndryshimet e nevojshme që mund të bëhen, në mënyrë që ekipet të mund të rifillojnë seancat stërvitore në 18 maj.” – thuhet në deklaratën e përbashkët të Ministrave.
