Tifozë në stadiumet e Serie A? Ministri i Sporteve, Vincenzo Spadafora sqaron gjithçka!

Ministri i Sporteve në Itali, Vincenzo Spadafora, gjatë një prononcimi të fundit në Senat, është ndalur te rikthimi i tifozëve në shkallët e stadiumit.

Ai deklaroi se një një objektiv, për rihapjen të pjeshme të stadiumeve është në mendjen e drejtuesve të futbollit dhe autoriteteve shtetërore dhe shpresohet se do të realizohet në fillimin e sezonit të ri në shtator.

“Për rihapjen e stadiumeve, ne besojmë se duhet të vazhdojmë në atë linjë të kujdesit që është ndjekur deri më tani.

“Ne po punojmë shumë me Federatën dhe Ligën, në mënyrë që në shtator, në fillimin e kampionatit të ri, të ketë një mënyrë për të rihapur stadiumet për publikun. Nëse është e vërtetë që sot janë kushtet për të siguruar distancën sociale, është gjithashtu e vërtetë që konsiderohet shumë e rrezikshme që një numër i madh i tifozëve të futen në stadium.

“Mbi të gjitha, ne duhet të kuptojmë se si do ta menaxhojmë fluksin e hyrjeve të njerëzve në stadiume. Angazhimi im është që të krijoj të gjitha kushtet në mënyrë që të mundësohet rikthimi i tyre në rifillimin e sezonit të ri në shtator“, thekson Spadafora.

LEXO EDHE  Nuk ka surpriza, Barça dhe Bayern Munich kalojnë në çerekfinalet e Championsit