Një zyrtar i Policisë së Dubait ka konfirmuar se Elti Dizdari alias Denis Matoshi ishte koka e organizatës të trafikut të kokainës, që godit këtë të enjte me dhjetëra arrestime në disa shtete.
Media me qendër në Dubai “Gulfnews” ka raportuar lidhur me arrestimin e Dizdarit në Dubai, në vazhdën e aksionit “Los Blancos”. Saeed Al Qemiz, Drejtor i Departamentit të Personave në Kërkim në Policinë e Dubait, tha se Autoritetet Italiane shkëmbyen informacionin në lidhje me Matoshin.
“Matoshi kërkohej nga Italia për drejtimin e një bande të organizuar të trafikut të drogës. Ata trafikuan tonelata me drogë në”, citohet Al Qemiz.
Al Qamzi tha se Matoshi, 31 vjeç, do t’i dorëzohet autoriteteve kompetente në Interpolin Italian pasi të paraqitet para Prokurorisë në Dubai dhe të ndërmerren veprime ligjore për ekstradimin e tij.
Nga hetimet ka rezultuar se kreu i organizatës, drejtonte kompaninë e quajtur “KOMPANIA BELLO”, që merrej me importimin e ngarkesave të mëdha të kokainës nga Amerika e Jugut, të financuara nga grupe të rëndësishme të trafikantëve të drogës që veprojnë në të gjithë Evropën.
Hetimet kanë nisur në vitin 2015 dhe gjatë kësaj periudhe janë mbi pesë milionë e gjysmë euro dhe pothuajse 4 tonë kokainë që janë kapur dhe sekuestruar nga Policia.
Organizata konsiderohej lider në trafikun e kokainës në Europë.
Lexo edhe:
*Operacioni “Los Blancos”/ Kush janë të arrestuarit në Shqipëri dhe jashtë vendit (EMRAT)
*Arrestohet në Dubai Eldi Dizdari, pjesë e organizatës së kokainës lider në Europë
*“Los Blancos”/ Si funksiononte organizata e kokainës dhe aplikacionet që përdornin trafikantët
