Detaje nga operacioni ndërkombëtar i koduar “Los Blancos” u zbardhën në një konferencë për shtyp të mbajtur në Gjykatën e Firences, nga autoritetet policore të Antimafias, Antiterrorit e Antidrogës Italiane, në prani të autoriteteve më të larta të krimit të luftës kundër krimit të organizuar të Europol, Euojust e të autoriteteve policore holandeze.
Hetimet
Hetimet e operacionit të nisura më 2015 kanë zgjatur rreth 5 vite e kanë çuar në shkatërrimin e një kartele droge trafikantësh shqiptarë të quajtur “Kompania Bello”, të cilët trafikonin sasi të mëdha kokainë nga Amerika Latine e furnizonin grupe të fuqishme narkotrafikantësh në Europë.
Gjatë hetimeve janë sekesutruar 5,5 milionë euro dhe rreth 4 tonë kokainë.
Për hetuesit, karteli shqiptar i drogës ishte paralelisht i barabartë me kartelet e mëdha të drogës amerikano-jugore e konsiderohet lider në trafikun e kokainës ndër grupet trafikante shqiptare, e pikë referimi për ta.
Në paketat e kokainës që ato transportonin nga Amerika Latine në Europë mbanin logot e stampuara “Bello”. Kompania Bello kishte degëzime të shumta në vendet Hollandë, Ekuador, Austria, Zvicër, Francë, Norvegji, Turqi, Gjermani e Belgjikë e me një kapital të madh financiar në dispozicion.
Mjaft anëtarë të këtij karteli janë autorë të akteve të dhunës në konkurrencën e tregut të narkotrafikut.
Në një nga fazat e këtij investigimi u arrestuan 84 persona në Itali, Hollandë, Ekuador, Gjermani, Zvicër e Britani e Madhe.
Në zbardhjen e mënyrës së veprimit të këtij karteli droge ka ndihmuar sekuestrimi i një telefoni i tipit “Blackberry” gjatë arrestimit të një shtetasi shqiptar në Firenze ku u zbuluar se i gjithë grupi kriminal përdoret aplikacionin e mesazheve të kësaj marke telefoni për komunikimin mes tyre.
Hetimet e mëtejshme zbardhën se trafikantët përdorin për të komunikuar mes tyre platformat “SKYecc” e “ENCROCHAT”.
Kush ishte bosi?
Hetimet zbardhën se në krye të Kompania Bello qëndronte një shtetas shqiptar i cili kishte kontakte të drejtpërdrejta me narkotrafikantët amerikano jugorë e që i lejonte shpërndarjen e saj në të gjithë Europën. Emri i drejtuesit megjithatë ende nuk bëhet i ditur.
Në tregtimin e kokainës vlente rregulli 50/50 pra gjysma e kokainës ishte në përfitim të shqiptarëve e gjysma në përfitim të amerikano-jugorëve. Droga trafikohej në rrugë detare nga Amerika e Jugut në Europë e kryesisht në portet e Europës Veriore e në veçanti në portet Anversa, Rotterdam e Brema janë identifikuar zbarkime të sasive të mëdha kokaine.
Gjatë fazave hetimore, janë sekuestruar sasi monetare në valuta të ndryshme me vlerë 5,5 milionë euro e rreth 4 tonë kokainë.
Lexo edhe:
*Operacioni “Los Blancos”/ Kush janë të arrestuarit në Shqipëri dhe jashtë vendit (EMRAT)
*Arrestohet në Dubai Eldi Dizdari, pjesë e organizatës së kokainës lider në Europë
