Në Elbasan teksa prezantoi strukturat e reja të policisë së Shtetit, ministri i Brendshëm Sandër LLeshaj ishte i shoqëruar nga deputeti i zonës Taulant Balla, njëherësh dhe kreui i grupit parlamentar të Partisë Socisliste.
Në fund të ceremonisë,Lleshaj nuk i shpëtoi pyetjeve të gazetarëve.
Në disa takime të mëparshme gazetarët e pyetën Lleshaj se kishte dhënë deklarata evasive se edhe mund të largohej edhe jo. Sërish u pyet sot në Elbasan se cila ishte e vërteta do të largohej nga detyra apo jo. Ministri i Brendshëm u tha gazetarëve se aika dhënë përgjigjen që ka dashur dhe se nuk ka menduar asnjëherë të dorëhiqet.
Mundohuni të kuptoni pyetjet për të kuptuar dhe përgjigjet, tha Lleshaj.
Do të qëndroni apo do të largoheni?
Unë nuk dorëhiqem , eci përpara sepse kam një mison për të krye, -vazhdoi ai.
I pranishëm në ceremoni ishte edhe Balla, i cili nuk u përmbajt pa thënë disa fjalë para gazetarëve.
“ Kjo historia e lajmeve që ju prodhoni që hedh dikush një gur në lum dhe të gjithë të tjerët duhet ta ndjekin është bërë e zakonshme dhe duhet të marrë fund. Lleshaj ka bërë dhe po bën një punë të shkëlqyer për të luftuar krimin. Situata krimit në Elbasan muajt e fundit e shkëlqyer. Ngjarje si ajo e mbrëmshjma ndodhin në të gjitha vendet”, tha Balla, i cili e mbylli fjalën e tij duke thënë se policia është në rrugën e duhur dhe duke u larguar i kënaqur.
